  «Արցախբանկ» Փակ Բաժնետիրական Ընկերությունը (այսուհետ Բանկ) կազմավորվել է 1996թ. փետրվարին (Հայաստանի Հանրապետության Կենտրոնական Բանկի կողմից տրված N75 լիցենզիա):
Ավելի ուշ իրականացվել են մի շարք վերակազմավորումներ: 1996թ. նոյեմբերի 6-ին «Արցախբանկ» ՓԲԸ-ն վերակազմավորվել է որպես բաց բաժնետիրական ընկերություն:
2001թ. հունիսի 24-ին «Արցախբանկ» ԲԲԸ-ն հիմնովին վերագրանցվել է որպես «Արցախբանկ» ՓԲԸ:
Բանկը հանդիսանում է ArCa ազգային վճարային համակարգի հիմնադիրներից մեկը: 2000թ.-ին դարծել է «Արմենիան Քարդ» ընկերության բաժնետեր և լիիրավ անդամ:
2004թ.-ից Բանկը հանդիսանում է նաև MasterCard International միջազգային վճարային համակարգի անդամ, որը ներկայացնում է այնպիսի հայտնի վճարային քարտերի բրենդներ, ինչպիսիք են Cirrus/Maestro և MasterCard-ը`սպասարկվող աշխարհի ավելի քան 210 երկրներում:
2007թ.-ին հաստատվել է Բանկի նոր ապրանքային նշանը և սահմանվել բանկի նոր կարգախոսը` «Նվաճենք բարձունքները միասին»:
2008 թ.-ից Բանկը ԼՂՀ կառավարության հետ համատեղ իրականացնում է երկրի տնտեսության զարգացմանն ու հիփոթեքային վարկավորման ակտիվացմանն ուղղված նպատակային ծրագրեր: 01/07/2008 | 
