  «Արցախբանկ» ՓԲԸ (նաև Բանկ) առաքելությունն է` նպաստել ԼՂՀ տնտեսությունում ներդրումների կայուն աճին` փոքր և միջին բիզնեսի կայացմանն ու զարգացմանը, տրամադրել անհրաժեշտ վարկային և բանկային այլ ծառայությունների փաթեթ` բավարարելով իր հաճախորդների, այդ թվում նաև պետության, պահանջմունքները բարձրորակ բանկային ծառայությունների նկատմամբ, նպաստել ԼՂՀ բնակչության բարեկեցության բարձրացմանը` ապահովելով սոցիալ-տնտեսական բարեկեցիկ կյանքի համար անհրաժեշտ բանկային ծառայությունների համալիրը:
Հանդիսանալով ԼՂՀ տնտեսության կարևոր ֆինանսական օղակներից մեկը և միակը առևտրային բանկերից, որն իրականացնում է գործունեություն ԼՂՀ բոլոր շրջաններում, «Արցախբանկ»-ը աջակցում է տնտեսապես արդյունավետ սոցիալական պետական ծրագրերի իրականացմանը:
Բանկը զբաղվում է նաև հովանավորությամբ և բարեգործությամբ` նպաստելով ՀՀ և ԼՂՀ սոցիալ-տնտեսական հիմնախնդիրների լուծմանը, մասնավորապես ֆինանսական օժանդակություն է ցուցաբերում տարածաշրջանում կրթության, մշակույթի, սպորտի և առողջապահության աջակցմանն ուղղված նպատակային ծրագրերի իրագործմանը:
Բանկը իր ներդրումն ունի նաև նոր աշխատատեղերի ստեղծման գործում:
«Արցախբանկ»-ն ակտիվ գործունեություն է ծավալում նաև ՀՀ տարածքում` իր հաճախորդներին տրամադրելով բանկային ծառայություննների գրեթե ողջ փաթեթը: Բանկի ամեն մի տարածքային ստորաբաժանում գործում է սոցիալական պատասխանատվության և միասնական առաքելության սկզբունքներին համապատասխան` հաշվի առնելով տեղական առանձնահատկությունները և անհատական վերաբերմունք ցուցաբերելով հաճախորդներին: Բանկի կողմից ընդունված հայեցակարգը պարտավորեցնում է բանկին մշտապես աճել և նպաստել հաճախորդների, գործընկերների և բաժնետերերի ֆինանսական բարեկեցության բարելավմանը:
«Արցախբանկ»-ի արժեքներն են.
Արհեստավարժություն
Անձնական պատասխանատվություն
Տեղեկատվական անվտանգություն
Հարգանք
Թիմային աշխատանք
ՆՎԱՃԵՆՔ ԲԱՐՁՈՒՆՔՆԵՐԸ ՄԻԱՍԻՆ 01/07/2008 | 
